နေပြည်တော်၊ ပျဉ်းမနားမြို့နယ်၊ညောင်ပင်သာကျေးရွာသို့ သွားရောက်ကာ ရွေ့လျားကျန်းမာရေးဆေးခန်း ဆောင်ရွက်ခြင်း။ | Myanmar Maternal and Child Welfare Association

၂၀၁၇ ခုနှစ်၊ မတ်လ ၁၈ ရက်။

မြန်မာနိုင်ငံမိခင်နှင့်ကလေးစောင့်ရှောက်ရေးအသင်းနှင့်ကျန်းမာရေးနှင့်အားကစားဝန်ကြီးဌာနတို့ ပူးပေါင်းဆောင်ရွက်သောပြည်သူလူထုအခြေပြုရွေ့လျားကျန်းမာရေးဆေးခန်းဆောင်ရွက်ခြင်း
                ညောင်ပင်သာရွာလေးသည် နေပြည်တော်ပြည်ထောင်စုနယ်မြေ၊ ပျဉ်းမနားမြို့နယ်တွင် တည်ရှိပါသည်။ ကားဖြင့်သွားလျှင်အာဟာရသုခဈေးမှ မိနစ် ၂၀ လောက်သွားရပါသည်။
     မြန်မာနိုင်ငံမိခင်နှင့်ကလေးစောင့်ရှောက်ရေးအသင်းမှ ဗဟိုအလုပ်အမှုဆောင်အဖွဲ့ဝင်များနှင့် အသင်းမှ တာဝန်ရှိသူများ၊နေပြည်တော်ကုတင်(၁၀ဝ၀)ပြည်သူ့ဆေးရုံကြီးမှသွားဘက်ဆိုင်ရာအထူးကု ဆရာဝန်အဖွဲ့၊ပျဉ်းမနားကုတင်(၂၀ဝ)ပြည်သူ့ဆေးရုံမှမျက်စိအထူးကုဆရာဝန်များ၊ နေပြည်တော်ပြည်သူ့  ကျန်းမာရေးဦးစီးဌာနမှ လက်ထောက်ညွန်ကြားရေးမှူးနှင့်ဆရာဝန်များ၊ဒက္ခိဏခရိုင်မိခင်နှင့်ကလေးစောင့် ရှောက်မှုကြီးကြပ်ရေးအဖွဲ့ အတွင်းရေးမှူးနှင့်အဖွဲ့ဝင်များ၊ပျဉ်းမနားမြို့နယ်မိခင်နှင့်ကလေးစောင့်ရှောက် ရေးအသင်းဥက္ကဋ္ဌနှင့်အဖွဲ့ဝင်များ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း မေတ္တာစမ်းရေ ဆေးခန်းမှလက်ထောက်ဆရာဝန်များလိုက်ပါလျက် ၂၀၁၇ခုနှစ်၊ မတ်လ(၁၈)ရက်နေ့တွင် နေပြည်တော်၊ ပျဉ်းမနားမြို့နယ်၊ညောင်ပင်သာကျေးရွာသို့ သွားရောက်ကာ ရွေ့လျားကျန်းမာရေးဆေးခန်းကို ဆောင် ရွက်ခဲ့ပါသည်။
               ရှေးဦးစွာ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း ဗဟိုအလုပ်အမှုဆောင်ဒေါက်တာစမ်းစမ်းလှိုင်မှ အမှာစကားပြောကြားပြီး၊  လက်ထောက်ဆရာဝန်ဒေါက်တာသက်နိုင်ဦးမှ  အသက်(၂)နှစ်
အောက်ကလေးများ  ကာကွယ်ဆေးထိုးနှံရေးအတွက်   အသိပညာပေးအကြောင်းကို     လည်းကောင်း၊ဒေါက်တာခိုင်နွယ်ဟန်မှ  နာတာရှည်ရောဂါများဖြစ်သော  နှလုံး၊သွေးတိုး၊ဆီးချိုရောဂါများ  အကြောင်းကို
လည်းကောင်းဟောပြောခဲ့ပါသည်။
      ဆက်လက်၍အသက်(၂၄)နှစ်အောက်လူငယ်များကိုမြန်မာနိုင်ငံမိခင်နှင့်ကလေးစောင့်ရှောက်ရေးအသင်း၊ IPPF စီမံချက်ဌာနမှ ဒုတိယစီမံချက်အရာရှိ  ဒေါ်နန်းအင်ကြင်းဦးမှ ပျိုရွယ်သူ ကျန်းမာရေး အသိပညာပေးခြင်းကိုလည်းကောင်း၊ “လူကုန်ကူးခြင်းဆိုင်ရာ သိကောင်းစရာများ’’ အကြောင်းကို ပြည်ထဲရေးဝန်ကြီးဌာနတာဝန်ရှိသူများမှလည်းကောင်း၊ ဆက်သွယ်ရေးအရာရှိ ဒေါ်အေးသီရိမြတ်က ကျား/မရေးရာ တန်းတူညီမျှခြင်းနှင့်ပတ်သက်၍ လည်းကောင်းအသီးသီး အသိပညာပေးဟောပြောခဲ့ကြပါသည်။
           ၄င်း ပြည်သူလူထုအခြေပြုရွေ့လျားကျန်းမာရေးဆေးခန်း ဟောပြောပွဲတွင် သက်ကြီးဘိုးဘွားများ  ကိုယ်ဝန်ဆောင်များ၊လူငယ်များနှင့်ဆေးခန်းသို့ လာရောက်ပြသသောလူနာများ  အပါအဝင် ကျေးရွာရပ်ကွက် မှ တာဝန်ရှိသူများတက်ရောက်ခဲ့ပါသည်။ဆက်လက်၍  အဘိုးအဘွားများကို  အားဆေးနှင့်အာဟာရဖြစ်စေသောအစားအစာများကိုလည်းကောင်း၊ ကိုယ်ဝန်ဆောင်မိခင် များကိုတစ်ခါ သုံးမွေးအိတ်၊ အိုင်အိုဒင်းဆားနှင့် ဆပ်ပြာများကိုလည်းကောင်း ၊ကျေးရွာစာကြည့်တိုက်အတွက်မေတ္တာစမ်းရေမဂ္ဂဇင်းများကို လည်းကောင်းလှူဒါန်းခဲ့ပါသည်။
        ဒုတိယပိုင်းတွင်ကျန်းမာရေးစစ်ဆေးခြင်းများဆောင်ရွက်ခဲ့ရာကိုယ် ဝန်ဆောင် (၂၄) ဦး၊သက်ကြီး  ဘိုးဘွား (၄၅)ဦး၊ မျက်စိ လူနာ( ၁၁၀ )ဦး၊ သွား နှင့်ခံတွင်းလူနာ( ၂၆ )ဦး နှင့် အထွေထွေလူနာ (၈၀)ဦး စုစုပေါင်း(၂၈၅)ဦး တို့ကို   ကြည့်ရှု့စစ်ဆေးကုသပေးခဲ့ပြီးညွှန်းပို့ရန်လိုအပ်သောလူနာများကို နီးစပ်ရာ ကျန်းမာရေးဌာနသို့ ညွှန်းပို့ခြင်းနှင့်ချို့တဲ့လူနာများကို ထောက်ပံ့ခြင်းများကိုလည်းဆောင်ရွက်ပေးနိုင်ခဲ့
ကြောင်း သတင်းရရှိပါသည်။

အသိပညာပေးဟောပြောသောအကြောင်းအရာများမှာ
ကာကွယ်ဆေးထိုးနှံရေးအကြောင်းနှင့် ပတ်သက်၍

အသက် (၂) နှစ်အောက်ကလေးများအား တိုးချဲ့ကာကွယ်ဆေးထိုးနှံရေးအစီအစဉ် အရ မွေးစ၊ အသက် ၂လ၊ ၄လ၊ ၆လ၊ ၉လ နှင့် ၁၈လ တို့တွင် သတ်မှတ်ထားသည့် ကာကွယ်ဆေးထိုးနှံရန် လိုအပ်ကြောင်း၊
မိခင်များ၏တာဝန်သာမဟုတ်၊ ဖခင်၊ ဒွေးဒေါ်၊ ဘကြီး၊ အဘိုးအဘွားများ၏ တာဝန်ပါဖြစ်ကြောင်း၊
လူတိုင်းကာကွယ်ဆေးထိုးရမည့် အသက်အရွယ်၊ ထိုးရမည့်ကာကွယ်ဆေး အမျိုးအမည်နှင့် ထိုးနှံနိုင်မည့် စုရပ်နေရာတို့ကို သိရှိထားရန်လိုအပ်ကြောင်း၊ ရပ်ရွာအတွင်း အချင်းချင်း အသိပေး ဆော်သြရန်လိုအပ်ကြောင်း၊ နီးစပ်ရာကျန်းမာရေးဌာန၊ စုရပ်များတွင် သွားရောက်ထိုးနှံ နိုင်ကြောင်း၊
နာတာရှည်ရောဂါများဖြစ်သော နှလုံး၊ သွေးတိုး၊ ဆီးချိုရောဂါများအကြောင်းနှင့် ပတ်သက်၍ ချိုလွန်းသောအစားအစာများ၊ ငန်သောအစားအစာများကို ရှောင်ရန်၊ ကိုယ်လက်လှုပ်ရှားမှုရှိရန်၊ သွေးပေါင်မှန်မှန်ချိန်ရန်၊ ထိုရောဂါများရှိပါက ဆေးများကို ဆရာဝန်ညွှန်ကြားသည့်အတိုင်း မှန်မှန် သောက်ရန် လိုအပ်ကြောင်း၊
ပျိုရွယ်သူမျိုးဆက်ပွားကျန်းမာရေးနှင့် ပတ်သက်၍ ဆယ်ကျော်သက်ကျောင်းသားကျောင်းသူများ အသိပညာပေးရာတွင် ပျိုဖော်ဝင်သည့်အချိန်တွင် ခံစားရသည့် ခံစားမှုများ၊ လိင်နှင့်ဆိုင်သော အကြောင်းအရာများ၊ ဆောင်ရန်၊ ရှောင်ရန်များကို မျှဝေပေးခြင်း၊
ကျား၊ မရေးရာတန်းတူညီမျှရေးနှင့် ပတ်သက်၍ ဆယ်ကျော်သက်ကျောင်းသားကျောင်းသူများ အသိပညာပေးရာတွင် ကျား၊ မ ဟူ၍ လိင်အားဖြင့် ပညတ်ထားသော်လည်း ရရှိရမည့် အခွင့်အရေးများသည် အတူတူဖြစ်ပါကြောင်း၊ အခွင့်အရေးနှင့်အတူ တာဝန်ယူမှုသည်လည်း တစ်ပါတည်းပါလာပြီဖြစ်ပါသောကြောင့် အမျိုးသမီးများသည်လည်း အမျိုးသားများနှင့်တန်းတူ ကြိုးစားရမည်ဖြစ်ပါကြောင်း၊ သို့ဖြစ်ပါ၍ ကျား၊ မရေးရာ တန်းတူညီမျှရေး ဆိုသည်မှာ အမျိုးသား များအား ဖယ်ထုတ်ခြင်းမဟုတ်ဘဲ နိုင်ငံဖွံ့ဖြိုးတိုးတက်ရန်အတွက် ပိုမိုအားကောင်းအောင် အတူတူပူးပေါင်းဆောင်ရွက်သွားနိုင်ရန် ရည်ရွယ်ခြင်းဖြစ်ကြောင်း အသိပညာပေးခဲ့ကြပါသည်။

မြန်မာနိုင်ငံ မိခင်နှင့်ကလေး စောင့်ရှောက်ရေးအသင်း

You are here