၂၀၁၇ခုနှစ်၊ ဇူလိုင်လ(၁၃)ရက်နေ့။
မြန်မာနိုင်ငံမိခင်နှင့်ကလေးစောင့်ရှောက်ရေးအသင်း၏ ၂၀၁၇ခုနှစ် မိုးရာသီသစ်ပင်စိုက်ပျိုးပွဲကို နေပြည်တော် ဒက္ခိဏသီရိမြို့နယ်ရှိ အသင်းရုံး၀န်းအတွင်း၌ ကျင်းပခြင်း
(၁၃-၇-၂၀၁၇)
မြန်မာနိုင်ငံမိခင်နှင့်ကလေးစောင့်ရှောက်ရေးအသင်း၏ ၂၀၁၇ခုနှစ် မိုးရာသီသစ်ပင်စိုက်ပျိုးပွဲ အခမ်း အနားကို (၁၃-၇-၂၀၁၇)ရက်နေ့ နံနက်(၀၇:၃၀)နာရီတွင် နေပြည်တော်၊ဒက္ခိဏသီရိမြို့နယ်၊သုခုမလမ်းရှိ မြန်မာ နိုင်ငံမိခင်နှင့်ကလေးစောင့်ရှောက်ရေးအသင်းရုံး၀န်းအတွင်း၌ ကျင်းပခဲ့ပါသည်။
အခမ်းအနားသို့ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း ဥက္ကဋ္ဌပါမောက္ခဒေါက်တာ
စန်းစန်းမြင့်အောင်၊ ဒုတိယဥက္ကဌများနှင့် ဗဟိုအလုပ်အမှုဆောင်အဖွဲ့၀င်များ၊ မြန်မာနိုင်ငံအမျိုးသမီးရေးရာ အဖွဲ့ချုပ်ဥက္ကဋ္ဌ၊ဒုတိယဥက္ကဋ္ဌနှင့်အတွင်းရေးမှူး၊ မြန်မာနိုင်ငံအမျိုးသမီးများနှင့်ကလေးသူငယ်များဘ၀မြှင့်တင်
ရေးအသင်းဥက္ကဋ္ဌ ၊ ဒုတိယဥက္ကဌနှင့်အတွင်းရေးမှူး၊ နေပြည်တော်မိခင်နှင့် ကလေးစောင့်ရှောက်မှုကြီးကြပ်ရေး အဖွဲ့ ဥက္ကဋ္ဌ၊ အတွင်းရေးမှူးနှင့် အဖွဲ့၀င်များ၊ နေပြည်တော် ပြည်ထောင်စုနယ် မြေအတွင်းရှိ မြို့နယ် မိခင်နှင့်
ကလေးစောင့်ရှောက်ရေးအသင်းဥက္ကဋ္ဌများနှင့် အသင်းရုံးဝန်ထမ်းများ စုစုပေါင်း( ၁၄၀)ဦး တက်ရောက်ခဲ့ပြီး
ရတနာ တန်း၀င်အပင်၊အရိပ်ရ လေကာပင်နှင့်နှစ်ရှည်စားပင်များကို စုပေါင်းစိုက်ပျိုးခဲ့ကြပါသည်။
မြန်မာနိုင်ငံမိခင်နှင့်ကလေးစောင့်ရှောက်ရေးအသင်း၏ ၂၀၁၇ခုနှစ် မိုးရာသီသစ်ပင် စိုက်ပျိုးပွဲ တွင် ၊ ကျွန်း(၂၂၀)ပင်၊ စိန်ပန်း(၅၅)ပင်၊သရက် (၂၅)ပင်၊ ခရေ(၂၅)ပင် ၊မြန်မာကုက္ကိုလ် (၂၅)ပင်၊ ရေတမာ (၂၅)ပင်၊ ငုဝါ(၂၅)ပင်၊ပန်းတမာ (၁၀)ပင်နှင့်ပိတောက်(၁၀)ပင် စုစုပေါင်း( ၄၁၅)ပင်စိုက်ပျိုးခဲ့ကြောင်းသတင်းရရှိပါသည်။