ကျန်းမာရေးနှင့်အားကစားဝန်ကြီးဌာနနှင့် Rotaplast International (USA) အဖွဲ့တို့ ပူးပေါင်း၍ နှုတ်ခမ်းကွဲ၊အာခေါင်ကွဲလူနာများ၊ မီးလောင် ဒဏ်ရာများ၊မွေးရာပါ ချို့ယွင်း ချက်ရှိသော လူနာများ ခွဲစိတ်ကုသခံယူမှု အခြေအနေကို သွားရောက်ကြည့်ရှုထောက်ပံ့ ခြင်း။ ၃၀ - ၇ - ၂၀၁၈
မြန်မာနိုင်ငံမိခင်နှင့်ကလေးစောင့်ရှောက်ရေးအသင်းသည် ကျန်းမာရေးနှင့်အားကစား ဝန်ကြီးဌာနနှင့် Rotaplast International (USA) အဖွဲ့တို့ ပူးပေါင်း၍ နှုတ်ခမ်း ကွဲ၊အာခေါင်ကွဲလူနာများ၊မီးလောင်ဒဏ်ရာများရှိသော လူနာများကို စုစည်းပြီး နေပြည် တော် အငြိမ်းစားနိုင်ငံဝန်ထမ်းဆေးရုံတွင် ( ၂၅ - ၇ - ၂၀၁၈)ရက်နေ့မှ ( ၅ - ၈ - ၂၀၁၈) ရက်နေ့အထိ ခွဲစိတ်ကုသဆောင်ရွက်လျက်ရှိပါသည်။
မြန်မာနိုင်ငံမိခင်နှင့်ကလေးစောင့်ရှောက်ရေးအသင်းမှ ဥက္ကဌ ပါမောက္ခ ဒေါက်တာစန်း စန်းမြင့်အောင်၊ အတွင်းရေးမှူး ဒေါက်တာနွယ်နီအုန်းနှင့် အကျိုးဆောင်စာရင်းစစ် ဒေါက်တာခင်ဝင်းသက် တို့သည် ၂၀၁၈ ခုနှစ်၊ ဇူလိုင်လ (၃၀)ရက်နေ့တွင် နေပြည်တော် အငြိမ်းစားနိုင်ငံဝန်ထမ်းဆေးရုံသို့ သွားရောက်ပြီး ခွဲစိတ်ကုသပေးနေသော ဆရာဝန်များ အဖွဲ့အတွက် ကျွေးမွေးဧည့်ခံရန် ကျပ် (၇၀၀,၀၀၀/-) ကို ပေးအပ်လှူဒါန်းရာ နေပြည် တော်အငြိမ်းစားနိုင်ငံဝန်ထမ်း ဆေးရုံအုပ်ကြီးနှင့်တာဝန်ရှိသူများမှ လက်ခံရယူခဲ့ပါ သည်။
ဆက်လက်၍ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း ဥက္ကဌနှင့်အဖွဲ့သည် ခွဲစိတ်ပြီးလူနာများနှင့် ခွဲစိတ်မည့်လူနာများအား လှည့်လည်ကြည့်ရှုခဲ့ပြီး လူနာတစ်ဦး လျှင်(၂၀,၀၀၀၀/-)နှုန်း ပေးအပ်လှူဒါန်းခဲ့ပါသည်။ (၃၀-၇-၂၀၁၈)နေ့တွင် နှုတ်ခမ်းကွဲ၊ အာခေါင် ကွဲလူနာများ၊ မီးလောင်ဒဏ်ရာများ ခွဲစိတ်ကုသမှုခံယူသည့် ဆေးရုံတက်လူနာ (၆၀)ဦးရှိပြီး လှူဒါန်းမှု စုစုပေါင်း တန်ဖိုးမှာ (၁,၉၀၀,၀၀၀၀/-) ဖြစ်ပါသည်။