(၂၀၂၅-၂၀၂၆)ခုနှစ် ပညာသင်နှစ်အတွက် နေပြည်တော်၊ ပျဉ်းမနားမြို့နယ် စက်ရုံ ဘုန်းတော်ကြီးသင် ပညာရေးကျောင်းသို့ စာရေးကိရိယာများ နှင့် သန့်ရှင်းရေးသုံးပစ္စည်းများ ထောက်ပံ့လှူဒါန်းခြင်း

မြန်မာနိုင်ငံမိခင်နှင့်ကလေးစောင့်ရှောက်ရေးအသင်း ဥက္ကဋ္ဌ၊ ဒုတိယဉက္ကဋ္ဌ နှင့် ဗဟိုအလုပ်အမှုဆောင်အဖွဲ့ဝင်များ က ၂၀၂၅-၂၀၂၆ ခုနှစ် ပညာသင်နှစ်အတွက် စာရေးကိရိယာများ နှင့် သန့်ရှင်းရေးသုံးပစ္စည်းများ  ထောက်ပံ့လှူဒါန်းခြင်းကို (၂၂-၇-၂၀၂၅) ရက်နေ့တွင် နေပြည်တော်၊ ပျဉ်းမနားမြို့နယ်၊ စက်ရုံ ဘုန်းတော်ကြီးသင်ပညာရေး ကျောင်း သို့ သွားရောက်လှူဒါန်းခဲ့ကြပါသည်။
အဆိုပါအခမ်းအနား သို့ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း ဥက္ကဋ္ဌ၊ ဒုတိယဉက္ကဋ္ဌ နှင့် ဗဟိုအလုပ်အမှုဆောင်အဖွဲ့ဝင်များ၊ နေပြည်တော် မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ ဥက္ကဋ္ဌ နှင့် အဖွဲ့ဝင်များ၊ ခရိုင်မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ ဥက္ကဋ္ဌ နှင့် အဖွဲ့ဝင်များ၊ မြို့နယ်မိခင် နှင့် ကလေးစောင့်ရှောက်ရေးအသင်း ဥက္ကဋ္ဌ နှင့် အဖွဲ့ဝင်များ နှင့် စက်ရုံဘုန်းတော်ကြီးသင်ပညာ ရေးကျောင်းမှ တာဝန်ရှိသူများနှင့်ကျောင်းသာ၊ကျောင်းသူများ တို့က တက်ရောက်ခဲ့ကြပါသည်။
ပထမဦးစွာ မြန်မာနိုင်ငံမိခင်နှင့်ကလေးစောင့်ရှောက်ရေးအသင်းဥက္ကဋ္ဌ ပါမောက္ခဒေါက်တာ စန်စန်းမြင့်အောင် မှ အမှာစကားပြောကြားခဲ့ပါသည်။ ဆက်လက်၍ ဥက္ကဋ္ဌ၊ ဒုတိယဉက္ကဋ္ဌ နှင့်ဗဟိုအလုပ်အမှုဆောင်အဖွဲ့ဝင်များက စာရေးကိရိယာပစ္စည်းများ နှင့် သန့်ရှင်းရေးသုံး ပစ္စည်းများ အား လှူဒါန်းပေးအပ်ခဲ့ကြပါသည်။
ထို့နောက် ဘုန်းတော်ကြီးသင်ပညာရေးကျောင်းမှ ကျောင်းသား/ကျောင်းသူများ၏ ကိုယ်စား ကျောင်းတာဝန်ခံမှ ကျေးဇူးတင်စကားပြန်လည်ပြောကြားခဲ့ပါသည်။