၁။      မြန်မာနိုင်ငံမိခင်နှင့်ကလေး စောင့်ရှောက်ရေးအသင်း(ဗဟို) ဥက္ကဌ ပါမောက္ခ ဒေါက်တာစန်းစန်းမြင့်အောင် နှင့် အတွင်းရေးမှူး ဒေါက်တာနွယ်နီအုန်း တို့သည် (၂၆-၇-၂၀၂၅) ရက်နေ့ တွင် ဧရာဝတီတိုင်းဒေသကြီး၊ ဘိုကလေးမြို့နယ်သို့ သွားရောက်ကာ HI-MNCH project,  TOT Training for MMCWA Volunteers on MNCH and GBV (မြို့နယ်အဆင့်) သင်တန်းကို ဆောင်ရွက်ပြုလုပ်ခဲ့ကြပါသည်။
အဆိုပါသင်တန်းကို ဖျာပုံခရိုင်မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့ ဥက္ကဋ္ဌ ဒေါ်သီတာကြိုင် နှင့် အဖွဲ့ဝင်များ၊ ဘိုကလေးမြို့နယ် မိခင်နှင့်ကလေး စောင့်ရှောက်ရေးအသင်း ဥက္ကဋ္ဌ ဒေါ်ခိုင်သီတာမြင့် နှင့် အဖွဲ့ဝင်များ၊ စီမံချက်တွင်ပါဝင်ဆောင်ရွက်ကြမည့် Project Assistant for Township  နှင့် အသင်းဝင်စေတနာ့ဝန်ထမ်းများ တို့က တက်ရောက်ခဲ့ကြပါသည်။
ထို့နောက် မြန်မာနိုင်ငံမိခင်နှင့်ကလေးစောင့်ရှောက်ရေးအသင်း ဥက္ကဋ္ဌ နှင့် အတွင်းရေးမှူး တို့ က ဘိုကလေးမြို့နယ်၊ စိန်ပန်းကျေးရွာရှိ မိခင်ကလေးအသင်းပိုင်သားဖွားခန်း ပြင်ဆင် ဆောင်ရွက်နိုင်ရန် ငွေကျပ်၂,၀၁၈၅၀၀/-(နှစ်ဆယ်သိန်းတစ်သောင်းရှစ်ထောင့်ငါးရာကျပ်တိတိ) ကို ဘိုကလေးမြို့နယ် မိခင်နှင့်ကလေးစောင့်ရှောက်ရေးအသင်းဥက္ကဋ္ဌ ထံသို့ ထောက်ပံ့ပေးအပ်ခဲ့ကြောင်း သိရှိခဲ့ရပါသည်။
၂။       ဆက်လက်၍ မြန်မာနိုင်ငံမိခင်နှင့်ကလေးစောင့်ရှောက်ရေးအသင်းဥက္ကဋ္ဌ နှင့် အတွင်းရေးမှူး တို့သည် ဧရာဝတီတိုင်းဒေသကြီး၊ ဖျာပုံမြို့နယ်သို့ ဆက်လက်ခရီးထွက်ခွာခဲ့ကြပြီး (၂၈-၇-၂၀၂၅) ရက်နေ့၌ ဖျာပုံမြို့နယ် တွင် HI-MNCH Project, Refresher Training for MMCWA Volunteers on MNCH and GBV သင်တန်းကို ဆောင်ရွက်ပြုလုပ်ခဲ့ကြပါသည်။ အဆိုပါသင်တန်းသို့  HI-MNCH Project ပါဝင်ဆောင်ရွက်လျက်ရှိကြသော အသင်းဝင်စေတနာ့ဝန်ထမ်းများ (၃၀) ဦး နှင့် တာဝန်ရှိသူ များတို့က တက်ရောက်ခဲ့ကြကြောင်း သတင်းရရှိခဲ့ပါသည်။