MMCWA HIMNCH စီမံချက်မှ “Quality Training for Midwives” သင်တန်း
မြန်မာနိုင်ငံမိခင်နှင့်ကလေးစောင့်ရှောက်ရေးအသင်း၊ HIMNCH စီမံချက်မှ “Quality Training for Midwives” သင်တန်းကို ၂၀၂၄ ခုနှစ်၊ ဇူလိုင်လ (၂၄)ရက်နေ့မှ (၂၆)ရက်နေ့အထိ Summit Park View Hotel ၌ ကျင်းပပြုလုပ်ခဲ့ပါသည်။
အခမ်းအနားသို့ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း ဥက္ကဋ္ဌ ပါမောက္ခ ဒေါက်တာစန်းစန်းမြင့်အောင်နှင့် ဗဟိုအလုပ်အမှုဆောင်အဖွဲ့ဝင်များ၊ jhpiego အဖွဲ့မှ တာဝန်ရှိသူများ တက်ရောက်ခဲ့ကြပါသည်။
ရှေးဦးစွာ မြန်မာနိုင်ငံမိခင်နှင့်ကလေးစောင့်ရှောက်ရေးအသင်းဥက္ကဋ္ဌ ပါမောက္ခ ဒေါက်တာစန်းစန်းမြင့်အောင်က အဖွင့်အမှာစကားပြောကြားပြီး ကိုယ်ဝန်ဆောင် စောင့်ရှောက်မှုအကြောင်းကို သင်တန်းပို့ချ ဆွေးနွေးပေးခဲ့ပါသည်။
အဆိုပါသင်တန်းကို သာကေတ၊ ကျောက်တန်း၊ ဒလ၊ မှော်ဘီ၊ သန်လျင်၊ တောင်ဒဂုံ၊ ပြည်၊ တောင်ငူ၊ မအူပင်၊ ဘိုကလေး၊ ပုသိမ်နှင့် ဖျာပုံမြို့နယ်တို့မှ သားဖွားဆရာမ (၃၀)ဦး တက်ရောက်ခဲ့ကြပါသည်။
