မြန်မာနိုင်ငံမိခင်နှင့်ကလေးစောင့်ရှောက်ရေးအသင်း၏ HIMNCH Project မှ MNCH Training for Volunteers သင်တန်းကို ၂၀၅ခုနှစ်၊ နိုဝင်ဘာလ(၉)ရက် နှင့် (၁၀)ရက်နေ့တို့တွင် မန္တလေးတိုင်းဒေသကြီး၊ မိခင်နှင့်ကလေးစောင့်ရှောက်မှုကြီးကြပ်ရေးအသင်း ရုံး တွင် သွားရောက်ဆောင်ရွက်ခဲ့ပါသည်။
သင်တန်းဖွင့်ပွဲအခမ်းအနား၌ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း (ဗဟို)၊ ဥက္ကဋ္ဌ ပါမောက္ခဒေါက်တာစန်းစန်းမြင့်အောင် မှ အဖွင့်အမှာစကားပြောကြားပေးခဲ့ပါသည်။ သင်တန်းဖွင့်ပွဲ အခမ်းအနား သို့ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း(ဗဟို) ဥက္ကဋ္ဌ၊ အတွင်းရေးမှူး ၊ မန္တလေးတိုင်းဒေသကြီး မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ နာယက၊ ဥက္ကဋ္ဌ နှင့် အဖွဲ့ဝင်များ၊ အောင်မြေသာစံခရိုင် မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ ဥက္ကဋ္ဌ နှင့် အဖွဲ့ဝင်များ နှင့်အတူ မြို့နယ်မိခင်နှင့်ကလေး စောင့်ရှောက်ရေးအသင်း ဥက္ကဋ္ဌများနှင့် အဖွဲ့ဝင်များ တို့က တက်ရောက်ခဲ့ကြပါသည်။
ထို့နောက် မြန်မာနိုင်ငံမိခင်နှင့်ကလေးစောင့်ရှောက်ရေးအသင်း(ဗဟို) ဥက္ကဋ္ဌ နှင့် အဖွဲ့၊ မန္တလေးတိုင်းဒေသကြီး မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့ နာယက၊ ဥက္ကဋ္ဌ နှင့် အဖွဲ့ဝင်များ က ချမ်းအေးသာစံမြို့နယ် နဂါးအသင်းပိုင်သားဖွားခန်းသို့လည်းကောင်း၊ မဟာအောင်မြေမြို့နယ် အသင်းပိုင်သားဖွားခန်း(၃) သို့ လည်းကောင်း၊ အမရပူရမြို့နယ် အသင်းပိုင်သားဖွားခန်း နှင့် အသင်းပိုင်မူကြိုကျောင်းများသို့ လည်းကောင်း သွားရောက်စစ်ဆေးကြည့်ရှု့ခဲ့ကြပြီး၊ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း(ဗဟို) ဥက္ကဋ္ဌ မှ ငလျင်ဒဏ်ကြောင့် ပျက်စီးမှုများကို ပြင်ဆင်ဆောင်ရွက်နိုင်ရန် နှင့် လိုအပ်သည်များ ဆောင်ရွက်နိုင်ရန် လမ်းညွှန်မှာကြားခဲ့ပါသည်။
ဆက်လက်၍ မြန်မာနိုင်ငံမိခင်နှင့်ကလေးစောင့်ရှောက်ရေးအသင်း(ဗဟို) မှ အတွင်းရေးမှူး ဒေါက်တာနွယ်နီအုန်း နှင့် အဖွဲ့က သင်တန်းပို့ချပေးခဲ့ကြပါသည်။
အဆိုပါ သင်တန်းသို့ မန္တလေးတိုင်းဒေသကြီးအတွင်းရှိ မဟာအောင်မြေမြို့နယ်၊ အောင်မြေသာစံမြို့နယ်၊ ချမ်းအေးသာစံမြို့နယ်၊ ချမ်းမြသာစည်မြို့နယ် နှင့် ပြည်ကြီးတံခွန်မြို့နယ် တို့ အသင်းဝင်စေတနာ့ဝန်ထမ်း (၁၅၀)ဦးတို့က သင်တန်းတက်ရောက်ခဲ့ကြပါသည်။